خطة العمل على موقع لعميل من A to Z 

في البداية بندخل على الموقع نحلل وناخد نظرة عامة 

بعد كدا بيتم العمل على دخول بريف للعميل لتحديد موقف العميل على المتجر 

ما يتم الاتفاق عليه : 

1- الموقع بقاله قد اي مع العميل او( عمر الدومين )

2- هل العميل اشتغل على المتجر قبل كدا ولا لا من حيث تحسينات ال seo

3- نوع النيتش اللى هيتم العمل عليه 

4- العميل المستهدف 

5- نوع المنصه اللي هيتم العمل عليها 

6- نوع المورد لو (دروب شوبنج) 

7- الاتفاق على اللوجو و الوان اللوجو (مهم جدا الاتفاق على الوان اللوجو لي تجنب اي تعديل مره اخرى من العميل )

8- الاتفاق على تغير الواجهه 

بداية العمل على المتجر: ( ربط الادوات التحليلة على المتجر)

(مهم) قبل الربط التاكد من ان العميل شاري دومين او الموقع متاح عليه دومين خاص بالمتجر 

1- ربط الادوات التحليلة على المتجر من اهمها 

 Google search console -

Google analytics  -

google tag manager -

  • لي بيتم ربط الادوات التحليلة على المتجر؟؟ ( باختصار )

اولا:

   : Google search console

- اعرف من خلاله اداء موقعي على جوجل 

- اعرف المشاكل اللي بتواجهني 

- بقدر احسن من خلال الاداه نتائج موقعي 

- بشتغل على ربط و تحديث sitemap ( مهم جدا ومن اول ما نمسك المتجر هوا العمل على ربط sitemap ) 

ثانيا:

 :Google analytics

- فهم سلوك العملاء 

-نعرف الزيارات جاية منين 

- نعرف عدد التفاعلات الداخلية للمستخدمين على الموقع 

- نعرف عدد المستخدمين النشطين داخل المتجر 

ثالثا:

:google tag manager

بتستخدم لادارة الاكواد و التتبع 

 Schema -

- بيستخدم لي pixels ودا كود تتبع بيسجل سلوك الزائر زي (دخل صفحه منتج) (Add to cart) (اشترى) ( خرج ) ( ومش احنا اللي مسؤولين عليها )

                           …………………………….

  • ادوات اضافيه بربطها على المتجر زي Google Merchant Center ( احيانا بربط الاداه دي لمساعدتي في الظهور بشكل اكبر داخل السعودية 

 بعد ما بندخل بريف العميل وناخد منه المعلومات اللى تخلينا نقدر نشتغل على المتجر دا يودينا لي نقطة مهمة جدا واللي لازم نشتغل عليها وهيا تحليل المنافسين بالذات لو المتجر معانا ( منتجات خاصة )

:Competitor Analysis

مهم جدا اننا ناخد اهم 3 منافسين على الاقل معانا في نفس النيتش و نبدا نحلل نقاط القوة و نقاط الضعف 

- بشتغل على نقاط القوة على متجري وبحول نقاط الضعف اللي عنده الى نقاط قوة عندي 

- بشتغل على تحليل الكلمات المفتاحية التي متصدر بيها 

- بلقي نظرة على المحتوى ( طريقة كتابة وصف المنتج )

- بشوف تجربة المستخدم زي ( سرعه الموقع، طريقة عرض المنتج، الشحن، سياسة الاستبدال و الاسترجاع، اراء العملاء ) 

نستكمل العمل على المتجر: 

نشتغل على تحسين SEO للصفحة الرئيسية ( من النقاط المهمة و الاساسية و الاولى اللي ممكن نشتغل عليها 

اللي من خللها اقدر اظهر الموقع بشكل اكبر على جوجل 

و طبعا بيتم العمل على تحديث الصفحه دي من حيث الكلمات المفتاحية وMeta Description و Home page title

 :footer

بشتغل على الصفحات التعريفة لي المتجر زي : 

- سياسة الاستبدال و الاسترجاع ( اللي بتختلف من مورد لي مورد او منتج خاص )

- سياسية الاستخدام و الخصوصية ( اللي بيتم العمل على اعادة صياغتها )

- من نحن 

- اضافة ساسية الشحن 

شركات الشحن 

بيتم العمل على اضافة شركات شحن وهمية طبعا لو احنا دروب شوبنج لو منتج خاص بيتم الاتفاق مع العميل لو متاح عنده شركات شحن ( لو لا بيتم اضافة شركات شحن سله او اي منصة اللي بيتم العمل عليها )

المنتجات : 

بيتم العمل على اختيار المنتجات ونشرها على المتجر سواء دروب شوبنج او منج خاص 

رصد شيت بالمنتجات اللي هستهدفهم في ال plan بتاعتي خلال الشهر 

الكلمات المفتاحية : 

ممكن اقول ان الكلمة المفتاحية هيا من اهم الحجات اللي ممكن اي حد متخصص seo يشتغل عليها 

اللي من خللها انا اقدر

- احسن ترتيب الصفحه على جوجل 

- بقدر اظهر بشكل اكبر في الدوله اللي انا مستهدفها ( النقطة دي بالنسبالي مهمة لان مهم جدا اختار الكلمة المفتاحية بشكل صحيح و في نفس الوقت يكون ليها ظهور في الدول المستهدفه لان ظهورك في دوله اخرى من اكبر الاخطاء اللي ممكن توقع اي موقع و يكون شغلك خطا 

- بتساعدني كمان في ظهور محتوى المنتجات بشكل اكبر 

- كمان بقدر من خلال الكلمة المفتاحية تكون جودة المحتوى اعلى لو اختيار الكلمة المفتاحية بشكل صح و مدروس 

- بنشتغل على تحسين وصف المنتجات من خلال الكلمة المفتاحية 

- من خلال الكلمة المفتاحية بقدر احدد نية الباحث علشان اقدر اعمل محتوى مناسب ليه 

- وهل الكلمة الكلمة المفتاحية بتخدم نية بحث شراء ولا معلوماتية 

المحتوى : 

قبل ما برفع محتوى المنتج بيتم العمل على : 

- قراءة المحتوى 

- بشوف توزيع الكلمات المفتاحية صح و بشكل مدروس ولا لا ( لان من خلال الكلمات المفتاحية في المحتوى ممكن جوجل يعاقبنا و ماتتمش عمليه ارشفت الصفحه ) 

- بشوف Internal link هل مضافه ولا لا  و مضافة بشكل صحيح في المحتوى 

- (في بعض المنتجات و ليس كلها ) بضيف بعض الجمل اللي من خلالها اقدر اظهر بشكل اكبر في السعودية او الدوله المستهدفة 

تحسين سيو المنتجات :

بضيف عنوان صفحة المنتج و رابط صفحه المنتج اني ببقى متاكد انى ضايف او مستهدف الكلمة المفتاحية الرئيسة فيهم 

بنشتغل على وصف صفحه المنتج اللي بركز عليها بشكل اساسي اني اضيف الكلمة المفتاحية في الوصف 

ولو المتجر بتاعنا براند ممكن اضيف اسم البراند و وصف عن المنتج زي خامة المنتج او لون المنتج 

وممكن نضيف اسم الدوله المستهدفه في الوصف لزيادة ظهورنا في الدوله 

مثال : مع شحن سريع في السعودية 

تحسين سيو الاقسام : 

بيتم العمل على تحسين سيو الاقسام اللي على المتجر واللي بيساعنا ان الاقسام تظهر على جوجل بشكل اكبر 

 :Alt.txt

بشتغل على تحسين الصور اني اضيف اكتر من كلمة مفتاحية في مجموعه الصور بتاعت المنتج 

:schema

بشتغل على schema و ببدا اضيفها على google tag manager

ومن اهم الاسكيمات اللي بضيفها 

    Website . Breadcrumb . Organization

لو حبينا ندخل شوية على جزء Technical هنلاقي من الحجات المهمة اللى ممكن اغلب اللي بيشغلوا seo مش مهتمين بجزء Page Indexing بالذات الصفحات اللي جوجل شافها لكن دخلت في جزء not indexed 

مهم جدا نعرف اي هيا الصفحات اللي ماتمش عليها عمليت الارشفه وليه جوجل شافت ان الصفحه دي تدخل في not indexed ببدا اعالج في الصفحات دي و اعيد ارشفتها تاني 

:Robots.txt

اللي من خلاله بيتم عملية منع او الزحف على الصفحات ( crawling )

برتكول https: 

لو هنتكلم عن البرتكول دا من حيث ثقه العملاء فمهم جدا اننا نهتم بالجزء دا علشان دا بيدي ثقه كبيرة لي العميل اللي داخل المتجر بتاعك 

لو هتتكلم Technical من حيث ترتيب جوجل للموقع بتاعك فبياثر بشكل كبير على نتائج او ترتيب موقعك على جوجل 

:Page speed

من مشاكل الTechnical اللى بتواجهني وبتاثر بشكل كبيرعلى تجربة المستخدم هيا سرعة تحميل الصفحة 

- بنهتم و بنراجع سرعه تحميل الصفحه بالذات لما الواجهه بيتم تطبيقها 

- بنراجع سرعه تحميل الموقع من على الهاتف لان اغلب المستخدمين بيستخدموا الجوال 

المقالات . Blog :

مؤخرا في مذاكرتي عن مجال الماركتنج بشكل عام و seo بشكل خاص اكتشفت ان المقالات من اهم الحجات اللي ممكن اشتغل عليها

لان المقالات بتبني ثقة كبيرة بيني و بين العميل. لان ماينفعش انا كشخص بيبيع منتج معين ان اول حاجه ارفع المنتج على المتجر واحاول اخلي العملا تشتري المنتج دا 

في البداية قبل اي حاجه لازم ابني ثقة كبيرة بيني و بين العميل علشان اقدر اخليه ييشتري المنتج دا و هوا واثق ان المنتج دا هيحل مشكلتة 

وهنا يجي دور المقالات و اهميتها كشخص بيسوق لمنتج 

= لو ركزنا على متجر عندي بيقدم كولاجين طبيعي انا كاتب مقالات تخدم العميل. ان العميل بيدور على حل لمشكلتة و هيلاقي الحل في نوعية المنتجات اللى بقدمها 

من هنا العميل هيدخل يشتري المنتج و هو واثق ان مشكلته اتحلت خلاص لاني بنيت الثقه بيني و بين العميل

1- افهم اي هيا مشكلة العميل 

2 - و ازاي هتحل مشكلته بالمنتج بتاعك 

  • بنركز على المقالات انها تكون بتخدم نية الباحث و تكون فيها المعلومات اللي العميل بيدور عليها 

  • الكلمات المفتاحية الرئيسة و الفرعيه ماتكونش بشكل مبالغ في المقاله علشان جوجول هيشوف اننا بنتحايل عليه 

  • Internal link يكون متوزع في محتوى المقاله بشكل صحيح و مش مبالغ فيه برضو 

( معلومة في منصة زد من حيث المقالات ) 

لازم تعرف ان منصه زد مش بتوفر فكرة ان المقالات تظهر في الصفحه الرئيسة لي المتجر زي سلة 

( متاح لكن باشتراك )

بنتشتغل انك تضيف المقالات دي من داخل اعدادات زد 

:back link

ببدا اشتغل على جزء الباك لينك و برضو من الاجزاء المهمة اللي بشتغل عليها 

لو بدنا نوضح جزء الباك لينك هنعرف اني شغال باك لينك no follow 

الميزة الاساسية في نوعية الباك لينك دي انها مجانية و بتدي زيارات مباشر للمتجر او للموقع 

= مهم جدا تعرف ان نوعية الباك لينك دي تاثيرها مش بقوة نوعية الباك لينك ( Dofollow )

واللي هيا رابط خارجي من موقع تاني بيشير او بيوجه لي موقعنا واللى كمان بناخد من قوة و ثقه الموقع دا ومن هنا ترتيب الموقع بتاعنا يزيد ويعالى في نتائج بحث جوجل. ( احب انا نوعيه الباك لينك دي ) 

  • من الحجات اللي ممكن توقع اي ترافيك لي اي موقع شغال عليه هو انك تسيب الموقع بدون عمل عليه لايام (اتساب فترة طويلة من غير اي متابعه او تحديث ) 

لازم تتابع الموقع يوميا و تشتغل على تحديث المتجر حتى لو اعمال بسيطة زي رفع كونتنت 

لو هننهي التقرير بتاعنا بي تقرير العميل :

هنكتشف ان مهم جدا اننا نسعى ان العميل يكمل معانا لشهر جديد 

- ببدا اجهز التقرير الشهري للعميل اللي ببقى عارف هوا بيركز على اي و دايما بيسال على فببدا اشتغل على التقرير الشهري اني اضيف العوامل او نقاط القوة اللي عندي في المتجر واللي العميل بيركز عليها و اعرف العميل ان عندنا نقاط ضغف و هيا دي اللي هنركز عليها الشهر الجديد علشان المتجر يطلع باحسن نتيجة.